ចំពោះវីរុសញឹកញាប់បំផុតដែលនាំឲ្យមានបញ្ហាឈឺពោះលើកុមារនោះគឺ Adenovirus និង Echovirus ដែលវាច្រើនតែចេញបង្កជំងឺនៅក្នុងរដូវក្តៅ និងនិទាឃរដូវ ។
អានរួច សូមជួយចែករំលែកបន្ត ដើម្បីផ្តល់ចំណេះដឹងល្អៗដល់អ្នកផ្សេងបានដឹង បានយល់ដូចអ្នកទាំងអស់គ្នាផងណា៎ !
សូមអរគុណសំរាប់ការចូលអាន និង ជួយចែកចាយបន្ត នេះជាកំលាំងចិត្តឲ្យពួកយើងមានទឹកចិត្តខំស្រាវជ្រាវបន្ថែម ^^
ទោះបីជាយ៉ាងណាក៏ដោយ ការឈឺពោះដែលបង្កឡើងដោយវីរុសខាងលើនេះមិនមែនជាជំងឺធ្ងន់ធ្ងរនោះទេ ហើយវានឹង បាត់ទៅវិញដោយខ្លួនឯងនៅរយៈពេលពីរបីថ្ងៃក្រោយជាមួយនឹង ការប្រើថ្នាំលេបដោយមិនបាច់មានវេជ្ជបញ្ជា ។
ប៉ុន្តែមេរោគក្នុងក្រពះអាចបង្កជារោគសញ្ញាច្រើន មិនទៀងទាត់ទេ ដោយក្មេងខ្លះអាចនឹង ឈឺក្នុងពោះ និងមិនឃ្លានអាហារ ខ្លះទៀតក្អួត ឬ រាគ ហើយខ្លះទៀត គឺមានទាំងអស់តែម្តង ។ ក្មេងអាចនឹងក្តៅខ្លួន ហើយមានអាការៈដែលមើលទៅដូចធ្ងន់ធ្ងរខ្លាំងណាស់អញ្ចឹង ។
ខណៈពេលដែលការពុលអាហារអាចបង្កជារោគសញ្ញាស្រដៀងគ្នាដែរនោះ វាច្រើនតែកើតឡើងភ្លាមៗក្រោយពីញ៉ាំអាហារទាំងនោះរួច ។ ថ្វីបើការពុលអាហារអាចមានការក្តៅខ្លួនដែលក៏ដោយ តែវាច្រើនតែមិនអញ្ចឹងទាំងអស់ទេ ហើយក៏ច្រើនតែបាត់ទៅវិញលឿនដែរ ។
បើសិនកូនអ្នកអាយុក្រោមមួយឆ្នាំ អ្នកគួរតែនាំគេទៅជួបពេទ្យភ្លាម បើសិនជាអាការៈដែលដូចបានរៀបរាប់ខាងលើកើតឡើងលើសពីពីរថ្ងៃហើយ ។ បញ្ហាសំខាន់ដែលគួរបារម្ភចំពោះមេរោគក្នុងក្រពះនោះ គឺការចង្អោ និង ក្អួត ដែលអាចនាំឲ្យខ្សោះជាតិទឹក ហើយវាទំនងជាកើតឡើងលើក្មេងតូចៗលឿនណាស់ ព្រមទាំងបង្កជាផលវិបាកធ្ងន់ធ្ងរថែមទៀត ។
យោងទៅតាមមជ្ឈមណ្ឌល គ្រប់គ្រង និង បង្ការជំងឺ CDC បានឲ្យដឹងថា ទារកម្នាក់ក្នុងចំណោម ៤០នាក់ដែលមានមេរោគក្នុងក្រពះត្រូវការគេងក្នុងមន្ទីរពេទ្យដោយសារតែខ្សោះជាតិទឹកក្នុងខ្លួន។
ចូរទាក់ទងទៅគ្រូពេទ្យភ្លាមបើសិនជាកូនបត់ជើងមករាគ ឬ ក្អួតមានឈាមមកជាមួយ ព្រោះវាមិនមែនជាអាការៈនៃវីរុសក្នុងពោះវៀនឡើយ ។ ក្មេងដែលមានការបង្ករោគដោយពពួកបាក់តេរីឈ្មោះថា E. Coli ច្រើនតែបង្កជាការក្អួតមានឈាម ឬលាមកលាយឈាម ។ រឿងនេះគឺត្រូវតែទៅជួបពេទ្យជាបន្ទាន់ ។
ហេតុផលផ្សេងៗទៀតដែលអ្នកត្រូវយកកូនទៅជួបពេទ្យកុមារដែឬនោះគឺ កូនអាយុក្រោមពីរឆ្នាំមានអាការៈខាងលើយូរជាងពីរថ្ងៃ ឬកូនធំដែលមានអាការៈនេះចាប់ពីបីរថ្ងៃឡើងទៅ ហើយអាការៈទាំងនោះមិនធូរស្រាលអ្វីសោះ ជាពិសេសអាការៈក្តៅខ្លួនតែម្តង ដោយសារតែវាអាចនាំឲ្យក្មេងខ្សោះជាតិទឹកក្នុងខ្លួនបាន ៕
ប្រភព ៖ Health.com.kh
0 comments:
Post a Comment