តើការសម្រាលកូនតាមបែបធម្មតាជាតិ និង វះកាត់មួយណាល្អជាង ?

ពិតណាស់នេះជាកង្វល់របស់មាតាគ្រប់រូប និង មានអារម្មណ៍ភ័យព្រួយជាជាខ្លាំងនៅពេលជិតដល់ថ្ងៃសម្រាលកូន ។ ចំពោះការសម្រាលបុត្រដោយបែបធម្មជាតិ និង ការវះកាត់ គឺជាប្រការមួយដែលអ្នកម្តាយត្រូវដឹងហើយមានការពិគ្រោះជាមួយគ្រូពេទ្យមុនធ្វើការសម្រេចចិត្ត ។

តើវិធីខាងលើទាំងពីរនេះជាអ្វី ? 

មានបញ្ហាអ្វីខ្លះដែរ ? ប្រភេទណាឈឺ ឬ មិនឈឺជាង ?

អានរួចហើយ សូមជួយចុច Share ផងណា៎ ដើម្បីចែករំលែកចំណេះល្អៗទាំងអស់នេះទៅកាន់តែអ្នកដែលចង់ដឹងចង់យល់ និង ជាកំលាំងចិត្តដល់ពួកយើងខំស្រាវជ្រាវបន្ត ។

សូមអរគុណដែលបានចូលអាន និង ជួយចែកបន្ត !

ទីមួយ ការសម្រាលកូនតាមធម្មជាតិ៖ 
មើលទៅដូចជាមានការឈឺចាប់បន្តិច តែតាមធាតុពិត ការសម្រាលកូនបែបនេះ តែងកើតមានការឈឺចាប់នៅពេលប្រសូតតែប៉ុណ្ណោះ ហើយរយៈពេលខ្លីបំផុត ដោយគ្រាន់តែលេបថ្នាំបំបាត់ការឈឺចាប់ក៏អាចជួយសម្រួលបានព្រមទាំងងាយស្រួលដេរផ្ជិត ហើយមានមុខរបួសតូចបំផុត។

ទីពីរ ការប្រសូតដោយវះកាត់៖
ពេលប្រសូតមិនឈឺចាប់ទេ ព្រោះឥទ្ធិពលនៃថ្នាំបំបាត់ការឈឺចាប់មានប្រសិទ្ធភាព តែក្រោយពីវះកាត់រួចក៏អស់សារធាតុថ្នាំនោះ និង ធ្វើឱ្យយើងមានអាការឈឺចាប់យ៉ាងវេទនាលើសពីនោះទៅទៀត របួសនៃការវះកាត់មិនងាយជាសះស្បើយ ព្រមទាំងត្រូវឈឺមុខរបួសរយៈពេលដល់ទៅជាងមួយខែទៀតផង ។ នៅពេលអ្នកម្តាយចាប់ផ្តើមកម្រើកខ្លួន ដើម្បីធ្វើកិច្ចការងារផ្សេងៗ និង ធ្វើឱ្យមានអារម្មណ៍ឈឺចាប់រួមទាំងនៅអំឡុងពេលបំបៅដោះកូន គឺត្រូវប្រយ័ត្នរបួសនៅបរិវេណពោះ ព្រោះបណ្តាលឱ្យឈឺចាប់ ។ តែការវះកាត់នេះអាចជួយម្តាយ និង កូនក្នុងមានមានអាសន្នក្នុងពេលសម្រាលបានផងដែរ។

ដូចនេះការសម្រាលកូនទាំងពីរប្រភេទនេះមានផលល្អរាងខ្លួន សំខាន់ជាក់ស្តែង យើងត្រូវពិគ្រោះជាមួយគ្រូពេទ្យ ពីស្ថានភាពយើងបច្ចុប្បន្ន សុខភាពយើងអាចទទួលយកមួយណាបាន៕